Koshish

Koshish kar rahi hu,
Jeene ki,
Ek nayi udaan bharne ki.

Kya hua jo dil khush nahi aaj?
Kya hua agar ek sapna toot gaya?

jeevan ek lamba safar hai,
is safar mein rahi bichadne ke liye hi milthe hai,

Kya hua agar dil tooth gaya?
Kya hua agar kisi ka saath choot gaya?

Aur bhi gam hai zamane mein yaaro,
Muskura kar jeena seekh lo.

Kisi aur se nahi,
Pehle khudh se pyaar karna seekh lo.

SAPNE SAAKAR BHI HO SAKTHE HAI

MSc ke dwitheeya saal mein,
parikshayein likhne ke baad,
ek idea hamare dimaag mein aaya thaa.

Class ke kuch shararthi bachche
kehne lage ki kaash hum North India ka ek chakkar laga paathe,
Tabhi maine kaha,
Ha ha........kyu nahi bachchon?
Yeh hamare vidhyaarthi jeevan ka aakhri saal hai,
Chalo enjoy karenge.

Phir kya tha?
Humne peeche mud kar dekha hi nahi,
Ladkon ne travel agent se baath ki,
Budget banaya,
H.O.D Sir se baath ki,
Aur Department se har student ke liye,
Sponsorship liya.

Jan 22, 2011 ko raath ke 12 baje,
Kazipet se train li,
Agra takh.

Agra cantt pahunche toh dekha,
har disha mein kohra chaaya hua tha,
Hum jab baath karne lage toh,
mooh se dhuaa nikalne laga........
Sab bachche tasveerein lene lage,
sab do ya teen sweater aur shawl pehne huye the,
apna chehra bhi dhaaka hua thaa.......
zindagi mein pehli baar aisi sardi ko mehsus kiya thaa....

Kya umang thaa,
aur woh kaisa josh tha........
kaash woh lamhe ek baar phir se laut ke hamari zindagi mein aa jaate.......

Agra ka Taj-Mahal,
Mathura ke mandir,
Amritsar ka GOLDEN TEMPLE,
Wagah ka Border,
Kulu-Manali ka haseen mausam,
jaha barfeele pahadon par devdhar ke ped the,
Delhi ka Lotus-Mahal, Qutub Minar, Akshar Dhaam mandir, Carol-BAagh mein shopping,

In lamhon ko bhool paana,
mere lie toh na-mumkin hai,

HA AB MUJHE LAGNE LAGA HAI
KI PARIYON KI WOH KAHANIYAN
WOH LORIYAN JO MAA BACHPAN MEIN SUNATHI THI,
UN SAB MEIN KUCH TOH SACHCHAI HOGI......

JI HA SAPNE JAROOR SAAKAR HOTHE HAI
BAS SABAR RAKHNA PADTHA HAI......
AUR DEKHNA KI ZINDAGI KITNI
KHOOBSURATH BAN JAAYEGI

SAMAY KI RAFTAAR

Aaj Secunderabad se Kazipet
aathe samay,
Jab main train mein ek seat par baithi thi,
toh dekha ki compartment mein,
ek saadi ko jhule ke roop mein bandha gaya,
Aur ek shishu ko usme sulaya ja raha tha.

Ha muje tab yaad aa rahi thi,
mere bachpan ke un lamhon ki,
jab main bhi kabhi jhule mein soya karthi thi.

Kya din the woh,
koi tanaav nahi,
koi kaam-kaaj nahi,
bas cerelac khaya,
doodh piya aur so gaye....

Ab dekho zindagi kitni badal gayi hai,
kabhi ghanto lecture attend kiya,
toh kabhi teen-char dino tak,
Lehninger ya Cooper ya Kubay ka ek chapter padh rahe hai.
Toh kabhi CSIR ke MCQs solve kar rahe hai.

Mujhko un dino ki yaad aathi hai,
jab main choti si bachchi thi,
jab mein nursery mein thi,
na jane kab LKG aur UKG pass kiya,
aur na jane kab 1st Std. mein aa gayi,
yu hi ek ek class pass karthi chali gayi,
aur 10th Std mein aa gayi,
Phir ek din aisa bhi aaya jab mujhko school chodna pada.

School chodthe wakth hame yeh laga,
ki ham duniya ko jeeth lenge,
itna josh aur aathma-vishwaas bhar diya thaa shikshakon ne.

Aise hi +2 khatam kiya,
B.Sc mein admission liya,
B.Sc pass kiya,
aur UMA REDDY ma'm ko bye kehkar,
IBAB mein padhne chali aayi.....

Zindagi ka safar kuch saalo baad,
mujhko KAKATIYA VISHWAVIDYALAYA mein le aaya,

kya patha zindagi ka agla padaav kaha hoga?

Wakth kitni jaldi beeth gaya,
patha hi nahi chala,

kaash main apna bachpan dobara ji pathi,
kaash apne doston aur shikshakon ke pyaar ka maza phir se le pathi

Mein itni jaldi badi kyu ho gayi bhala?
Koi is sawal ka jawab toh de do....

Lauta do un bachpan ke shararthi dino ko,
Ek baar phir se mujhko bachpan ka anand lene do Prabhu....

KUCH NAYE ANUBHAV

Jeevan ke safar mein
aage badthe badthe,
chali aayi mai
Kakatiya Vishwa-vidyalay mein,
Pichle ek saal se
kuch khatthe-kuch meethe lamhe
sajoye hai mann mein.

Prayog-shaala mein bithaya waqth,
jab doston ko chutkuley sunaye,
jab paath sunthe-sunthe
ki gayi shararthi tippaniyon
ko yaad kiya,
jab pariksha likthe samay,
prashna-pathra ko dekhkar,
hum sab ek saath hans padhe,
in lamho ko yaad kiya toh
labon par anayaas hi
ek muskaan aa gayi.


Gurujano ka prothsahith karma,
Hame hamesha prerith karma,
is vishwa-vidyalay ki khoobi hai.

Kaun jaane yeh pal,
kab yaad aayenge,
Shaayad hum in lamhon ko,
kabhi bhool na payenge

AISA KYUN HOTHA HAI

Jab ek shishu is duniya mein
aankhein kholtha hai,
tb woh kitna masoom hotha hai.
Uska kora kagaz roopi mann,
bade hothe-hothe kyun maila ho jatha hai?

Woh bachcha duniyadaari ki
tamaam bathein seektha hai,
chalaak ban jatha hai aur
khudgarz ho jatha hai.

Lekin jaise-jaise uske kadam
budhape ki ore chal padhthe hai,
Woh masoomiyath dobaara lauth aathi hai,
Woh dil kholkar hastha hai,
Apne cehre par rakhe har mukhothe
ko nikaal detha hai.
Kya hua agar
usne zindagi ki chothi-chothi
khusiyan kho di?
woh ab zindagi ki har
chothi se chothi khushi ko,
sanjo kar rakhtha hai.

Aisa kyun hotha hai?
Aakhir kyun hotha hai?

PYAAR KYA HOTHA HAI?

Kehthe hai woh pyaar hi hai,
Joh umeed ki kiran bankar,
Hum sab ki zindagi mein aathi hai.
Isi kiran ke sahare premi,
Chal padhthe hai apni,
Manzil ki ore,
Phir chahe lakh musibathein,
Unke raaston par,
Aa jaye.

Lekin kya sirf yeh,
Pyaar hai?

Meri nazar mein yeh pyaar,
Nahi hai,
Pyaar ka sirf yehi matlab,
nahi hai,
Mein Eeshwar ki banayi hui,
Is prakruthi se,
Har jeev-Janthu se,
Behatd pyaar karthi hu.

Is duniya mein lakhon,
Bura-eeya sahi,
Phir bhi is duniya se,
Mujhko behad pyaar hai.

Aapka bahoth bathoth shukriya,
Bhagwaan ki aapne itni,
Khoobsurath dharthi ki rachana ki hai.

NADI KI AATHMAKATHA

Mein nadi hu
kathor nahi hu
komal hu,
chanchal hu,
sab ki man-bhavan hu,
sab ki raaj dulaari hu.

Jeevan bastha hai,
mere kan-kan mein,
Amrith hai mere kan mein.

Janam huwa mera,
barfile pahado mein,
unhi pahado se hokar aayi hu.

AAthe aathe maine raasthein mein,
kya nahi dekha,
khule aasmaan ka soundarya,
vano ke oonche-unche vrikshya,
shabnami reshmi kaliyon aur,
phooloenki muskaan.

pahadoen se hokar,
vadiyon mein aayi mai,
oonchi-oonchi zaminon,
se uchalthe koodhthe,
hasthe gaate,
khusiyaan manathe,
kaatha hai saara safar maine,
Anth mein mein aayi,
samudra ke paas,
samudra mein jaakar,
jab main usmein mil gayi,
toh mujhe koi gum nahi huwa.

Apni kahani tumhe bathakar,
yahi sandesha dethi huki pyaare zindagi ke,
har pal mein tum,
soundarya ka paan karo,
sukh bhogo ullas karo,
taaki anthim samay mein,
kisi ki kami naa ho.

Meri hi tarah tum bhi,
Apne raasthe mein,
Aane waali har kathinayee,
ka saamna karo,
Jis prakar mere lagathar pravah se,
kathor pashan bhi,
komal ban jaathe hai,
usi prakar tum bhi,
Abni karuna se,
doosro ke man ke dwesh ko mita do,
Paropkar ke liye jeena seekho.